(Untitled)

Christopher Nolanගේ IMAX කැමරා රහස: The Odyssey රූගත කිරීම් පිටුපස ඇති තාක්ෂණික විස්කම!Christopher Nolanගේ චිත්‍රපටයක් බලද්දී අපිට ලැබෙන ඒ අමුතුම සිනමාත්මක අත්දැකීමට ප්‍රධානම හේතුවක් තමයි ඔහු IMAX කැමරා භාවිත කිරීම. හැබැයි මේ විශිෂ්ට තාක්ෂණය ඇතුළේ ලොකු ප්‍රායෝගික ගැටලුවක් හැංගිලා තිබුණා.

ඝෝෂාව සහ Blimp ආවරණයIMAX කැමරාවල ලොකුම ප්‍රශ්නය වුණේ ඒවා ක්‍රියාත්මක වෙද්දී ලොකු සද්දයක් (Noise) එන එක. මේ නිසා නළුවන්ගේ දෙබස් (Dialogue) සජීවීව රෙකෝඩ් කරගන්න එක ලොකු අභියෝගයක් වුණා. ඒකට Nolan හොයාගත්ත විසඳුම තමයි කැමරාව වටේට Blimp එකක් (ශබ්දය එළියට නොයන විශේෂ කළු පැහැති ශබ්ද පරිවාරක ආවරණයක්) හදන එක. මේ මඟින් කැමරාවෙන් නිකුත් වන ශබ්දය සැලකිය යුතු ලෙස අඩු කර ගන්න නිෂ්පාදන කණ්ඩායමට හැකි වුණා.

ඊළඟට ආපු අලුත්ම ප්‍රශ්නය: හැබැයි එතනින් ප්‍රශ්නය ඉවර වුණේ නැහැ

මේ Blimp ආවරණය නිසා කැමරාව ගොඩක් ලොකු වුණා. කොච්චර ලොකුද කියනවා නම්, නළුවෙක්ගේ මුහුණට ළං කරලා Close-up Shot එකක් ගන්න ගියාම, අනිත් නළුවාට (Scene partner) කැමරාව අයිනෙන් ඉඳගෙන අනිත් කෙනාගේ ඇස් දෙක දිහා කෙලින් බලන්න ඉඩක් තිබ්බේ නැහැ! කැමරාව ලොකු වැඩි නිසා මුහුණ වැසී යනවා.චිත්තවේග නිවැරදිව ප්‍රකාශ කරන්න සහ රංගනයේ තාත්වික බව රැකගන්න නම් නළුවන් අතර අක්ෂි සම්බන්ධතාවය (Eye contact) පවත්වා ගැනීම අත්‍යවශ්‍යයි.

Nolanගේ අපූරු විසඳුම (The Mirror Set-up): මේකට Nolan සහ ඔහුගේ කණ්ඩායම අමුතුම තාක්ෂණික ක්‍රමයක් පාවිච්චි කළා. ඒ තමයි Two-way mirror system එකක් (විශේෂ කෝණවලට සකස් කළ පැති දෙකෙන් පෙනෙන කැඩපත් සැකැස්මක්) පාවිච්චි කරපු එක.

මේ Mirror සැකැස්ම නිසා: පැහැදිලි රූපගත කිරීම: කැමරාවට කිසිම බාධාවකින් තොරව නළුවාගේ මුහුණ පැහැදිලිව ෂූට් කරන්න පුළුවන් වුණා.දෘෂ්ටි රේඛාව (Eyeline) පවත්වා ගැනීම: දළ සටහනේ (Diagram) පෙනෙන පරිදි, පරාවර්තනය වන දර්ශනය භාවිතයෙන් අනිත් නළුවාටත් Mirror එක හරහා කෙලින්ම තමන්ගේ සහායක නළුවාගේ ඇස් දිහා බලාගෙනම දෙබස් කියන්න අවස්ථාව ලැබුණා.

The Odyssey රූගත කිරීම් අතරතුර ලබාගත් ඡායාරූපයෙන් මෙම සුවිශේෂී කැමරා උපක්‍රමය මනාව පැහැදිලි වෙනවා. සිනමාව වෙනුවෙන් Nolan කරන මේ වගේ පුංචි පුංචි කැපකිරීම් සහ අපූරු අත්හදා බැලීම් තමයි ඔහුව අනිත් Directorsලාගෙන් වෙනස්ම තැනක තියන්නේ.