South Korea is fully banning dog meat by February 2027 with over 82% of farms already shut down

දකුණු කොරියාව 2027 වසරේ පෙබරවාරි මාසය වන විට සුනඛ මස් කර්මාන්තය සම්පූර්ණයෙන්ම තහනම් කිරීමට පියවර ගෙන තිබෙනවා. ඒ අනුව මෙම නීතිය නිල වශයෙන් ක්‍රියාත්මක වීමටත් පෙරම එරට පවතින සුනඛ ගොවිපළවල්වලින් සියයට 82 කට වැඩි ප්‍රමාණයක් මේ වන විටත් සම්පූර්ණයෙන්ම වසා දමා ඇති බවයි වාර්තා වන්නේ.

මෙලෙස කල්තියා සිය ගොවිපළවල් වසා දමන පුද්ගලයින් දිරිමත් කිරීම සඳහා දකුණු කොරියානු රජය විසින් විශේෂ වන්දි මුදලක් ද ලබා දෙනවා. ඒ යටතේ රජයට භාර දෙන එක් සුනඛයෙකු වෙනුවෙන් ඩොලර් 452 ක උපරිමයකට යටත්ව අදාළ ගොවිපළ හිමියන්ට මුදල් ගෙවීමට ඔවුන් පියවර ගෙන තිබෙනවා.

දකුණු කොරියාවේ දශක ගණනාවක් පුරා පැවති සුනඛ මස් කර්මාන්තය මේ වන විට ශීඝ්‍රයෙන් අවසන් වෙමින් පවතිනවා. වසර 2027 පෙබරවාරි මාසයේ සිට අදාළ කර්මාන්තය සම්පූර්ණයෙන්ම තහනම් කිරීමට රජය ගෙන ඇති තීරණයත් සමගින්, මේ වන විටත් ලියාපදිංචි සුනඛ ගොවිපළවල් 1,537 න් 1,265 ක්ම සිය මෙහෙයුම් කටයුතු සම්පූර්ණයෙන්ම නතර කර ඇති බවයි නවතම දත්ත වාර්තා පෙන්වා දෙන්නේ.

මෙලෙස කල්තියා ගොවිපළවල් වසා දමන පුද්ගලයින් සඳහා රජය විසින් විශේෂ මූල්‍ය ආධාර වැඩසටහනක් ද හඳුන්වා දී තිබෙනවා. ඒ යටතේ එක් සුනඛයෙකු වෙනුවෙන් won 600,000 ක පමණ මුදලක් ලබා දීමට කටයුතු කරන අතර, වෙනත් කෘෂිකාර්මික ව්‍යාපාරයන් වෙත යොමුවීම සඳහා අඩු පොලී ණය පහසුකම් සහ උපදේශන සේවාවන් ද රජය විසින් සපයනු ලබනවා.

කෙසේ වෙතත් 2027 වසරේදී මෙම තහනම නිල වශයෙන් බලාත්මක වූ පසුව, සුනඛයින් බෝ කිරීම, ඝාතනය කිරීම සහ මිනිස් පරිභෝජනය සඳහා විකිණීම නීතියෙන් සම්පූර්ණයෙන්ම තහනම් වනවා. ඉන්පසුව මෙම නීතිය උල්ලංඝනය කරන ඕනෑම පුද්ගලයෙකුට වසර 3 ක සිරදඬුවමක් හෝ won මිලියන 30 ක දැවැන්ත දඩ මුදලකට යටත් වීමට සිදුවනු ඇති. වර්තමානය වන විට දකුණු කොරියාවේ තරුණ පරපුර සුනඛයින්ව ආහාරයක් ලෙස නොව සුරතල් සතුන් ලෙස සැලකීමට වැඩි නැඹුරුවක් දැක්වීම මෙම සාධනීය වෙනස සඳහා ප්‍රධානතම හේතුව වී තිබෙනවා.