South Africa midfielder Jayden Adams, who played at the World Cup, has passed away at the age of 25.

ජාත්‍යන්තර පාපන්දු පිටියේ දක්ෂතා දැක්වූ දකුණු අප්‍රිකානු ජාතික කණ්ඩායමේ මැදපෙළ ක්‍රීඩකයෙකු වන Jayden Adams අවාසනාවන්ත ලෙස අභාවප්‍රාප්ත වී ඇති බව වාර්තා වනවා. මිය යන විට 25 වැනි වියේ පසුවූ මෙම තරුණ ක්‍රීඩකයා, මෙවර පාපන්දු ලෝක කුසලාන තරගාවලිය නියෝජනය කරමින් තම මව් රට වෙනුවෙන් කැපී පෙනෙන දක්ෂතා දැක්වූ ක්‍රීඩකයෙකු වීම විශේෂත්වයක්.

ඊයේ දිනයේ Cape Town හි Schotsche Kloof ප්‍රදේශයේ තිබී ඔහුගේ සිරුර සොයාගෙන ඇති අතර, ඔහුගේ මරණයට නිශ්චිත හේතුව මෙතෙක් නිල වශයෙන් අනාවරණය වී නැහැ. මේ සම්බන්ධයෙන් පුළුල් මරණ පරීක්ෂණයක් එරට පොලිසිය විසින් මේ වන විටත් ආරම්භ කර තිබෙනවා.

මරණයට හේතුව පිළිබඳව අනවශ්‍ය අනුමාන කිරීම්වලින් වළකින ලෙසත්, මෙම සංවේදී අවස්ථාවේදී පවුලේ සාමාජිකයින්ගේ පෞද්ගලිකත්වයට ගරු කරන ලෙසත් එරට ක්‍රීඩා අමාත්‍ය Gayton McKenzie විසින් මහජනතාවගෙන් සහ මාධ්‍යයෙන් විශේෂ ඉල්ලීමක්ද කර තිබෙනවා. අදාළ පරීක්ෂණ අවසන් වන තුරු නිශ්චිත හේතුවක් ප්‍රකාශ කළ නොහැකි බවයි බලධාරීන් වැඩිදුරටත් අවධාරණය කර සිටින්නේ.