Universal skips influencer screenings for The Odyssey

Universal සමාගම Christopher Nolan ගේ නවතම දැවැන්ත නිර්මාණය වන The Odyssey චිත්‍රපටය සඳහා සමාජ මාධ්‍ය ක්‍රියාකාරීන් (influencers) වෙනුවෙන් පවත්වන විශේෂ දර්ශන සම්පූර්ණයෙන්ම මඟහැරීමට තීරණය කර තිබෙනවා. ඒ අනුව එළඹෙන ජූලි 6 වෙනිදා පැවැත්වෙන එහි මංගල දර්ශනයෙන් පසුව මෙම චිත්‍රපටය කල්තියා නැරඹීමේ සුවිශේෂී අවස්ථාව හිමිවන්නේ වෘත්තීය සිනමා විචාරකයින්ට පමණයි.

වර්තමානයේ ඕනෑම නිර්මාණයක් ප්‍රවර්ධනය කිරීම සඳහා සමාජ මාධ්‍ය ක්‍රියාකාරීන් බහුලව යොදාගැනීම සාමාන්‍ය තත්ත්වයක් වුවත්, සිනමා ඉතිහාසයේ දැවැන්ත පෙරළියක් කරනු ඇතැයි අපේක්ෂා කරන මෙම සුවිශේෂී චිත්‍රපටය සඳහා Universal සමාගම ගෙන ඇති මෙම සම්ප්‍රදායික නොවන තීරණය මේ වන විට බොහෝ දෙනාගේ දැඩි අවධානයට ලක්ව තිබෙනවා.