LAIKA’s Wildwood becomes longest stop-motion animated film ever at 2 hours 20 minutes

LAIKA Studios විසින් නිර්මාණය කරන ලද අතිශය බලාපොරොත්තු සහගත Wildwood චිත්‍රපටය සිනමා ඉතිහාසයේ මෙතෙක් නිර්මාණය වූ ධාවන කාලය වැඩිම නැවතුම් චලන සජීවිකරණ (Stop-motion animated) චිත්‍රපටය බවට නිල වශයෙන් පත්ව තිබෙනවා. එළඹෙන ඔක්තෝබර් 23 වනදා තිරගත වීමට නියමිත මෙම චිත්‍රපටයේ සම්පූර්ණ ධාවන කාලය පැය 2 යි මිනිත්තු 20 ක් (මිනිත්තු 140 ක්) ලෙස සටහන් වන අතර, AMC Theatres ඇතුළු ප්‍රධාන සිනමාහල් දර්ශන කාලසටහන් හරහා මේ බව තහවුරු කර තිබෙනවා.

මීට පෙර මෙම ගිනස් ලෝක වාර්තාවට හිමිකම් කියනු ලැබුවේ 2022 වසරේදී තිරගත වූ, මිනිත්තු 117 ක ධාවන කාලයකින් යුත් Guillermo del Toro’s Pinocchio චිත්‍රපටයයි. එම ගිනස් වාර්තාව බිඳ දමමින් ඉදිරියට පැමිණි Wildwood චිත්‍රපටය LAIKA Studios හි සභාපති සහ ප්‍රධාන විධායක නිලධාරී Travis Knight විසින් අධ්‍යක්ෂණය කර ඇති අතර, Colin Meloy සහ Carson Ellis ගේ ජනප්‍රිය නවකතාවක් ඇසුරින් Chris Butler විසින් මෙහි තිරපිටපත නිර්මාණය කර තිබෙනවා.

Carey Mulligan, Mahershala Ali, Peyton Elizabeth Lee, Jacob Tremblay, Angela Bassett සහ Awkwafina ඇතුළු ජනප්‍රිය නළු නිළි පිරිසක් හඬ දායකත්වය ලබා දී ඇති මෙම දැවැන්ත චිත්‍රපටයේ මූලික සැලසුම් කිරීම් මීට වසර 10 කට අධික කාලයකට පෙර සිටම ආරම්භ වී තිබුණා. ඉන් අනතුරුව වසර ගණනාවක රූගත කිරීම් කාලයක් පුරා සිය ගණනක් අතින් නිර්මාණය කළ රූකඩ (Puppets) සහ දැවැන්ත පසුතල යොදාගනිමින් නිපදවූ සුවිශේෂී සිනමා අත්දැකීමක් ලෙස මෙම චිත්‍රපටය හඳුන්වා දිය හැකියි.