Anthropic suspends new AI models Claude Fable 5 and Mythos 5 over US security concerns

ලොව පුරා දැඩි කතාබහකට ලක්වූ Anthropic සමාගමේ නවතම AI වැඩසටහන් වන Claude Fable 5 සහ Mythos 5 හි ක්‍රියාකාරීත්වය එම සමාගම විසින් සම්පූර්ණයෙන්ම අත්හිටුවා තිබෙනවා. US ආරක්ෂක බලධාරීන් මතු කළ විශේෂ ආරක්ෂක ගැටලු කිහිපයක් මෙම ක්ෂණික තීරණයට හේතු වුණා.

මෙම AI වැඩසටහන් පොදු මහජනතාව සඳහා නිකුත් කර දින කිහිපයක් ගතවීමටත් මත්තෙන් US රජය විසින් අදාළ වැඩසටහන් විදේශිකයන්ට භාවිත කිරීම තහනම් කරන ලෙස Anthropic සමාගමට නියෝග කළා. එම නියෝගයට අනුකූල වෙමින් සමාගම සියලුම පරිශීලකයන් සඳහා මෙම වැඩසටහන් ද්විත්වයම තාවකාලිකව අත්හිටුවීමට පියවර ගත්තා. අදාළ පද්ධතීන් තුළ අනවසරයෙන් පිවිසිය හැකි සයිබර් දුර්වලතාවයන් පවතින බව US රජය ඍජුවම පෙන්වා දෙනවා.

මීට පෙර මෙම වැඩසටහන් අතිශය ප්‍රබල මෙන්ම භයානක විය හැකි බව Anthropic සමාගම විසින්ම අනතුරු අඟවා තිබූ අතර මේ වන විට ජනාධිපති Donald Trump ගේ පරිපාලනය සහ අදාළ සමාගම අතර දැඩි නීතිමය ගැටුමක් ද නිර්මාණය වී තිබෙනවා. ඒ US ආරක්ෂක ලේකම් Pete Hegseth විසින් අදාළ සමාගම සැපයුම් දාම අවදානමක් ලෙස නම් කිරීමට එරෙහිවයි.