ලොව පුරා සිටින Spider-Man රසිකයන් මහත් උනන්දුවකින් බලා සිටින Spider-Man: Brand New Day චිත්‍රපටයේ නිල ප්‍රචාරක කටයුතු අද දින නිල වශයෙන් ආරම්භ කර තිබෙනවා. ඒ වගේමෙ චිත්‍රපටයේ දෙවන නිළ පූර්ව ප්‍රචාරක පටය ඇතුලු තවත් ප්‍රවර්ධන කටයුතු සඳහා ඇති වීඩියෝ පට අන්තර්ජාලයට අනවසරයෙන් මුදා හැර තිබ්‍ර්නවා. මේ අතර චිත්‍රපටයේ ප්‍රධාන රංගන ශිල්පීන් වන Tom Holland, Zendaya, Jacob Batalon සහ මෙවර අලුතින්ම එකතු වූ Sadie Sink සහභාගී වන සුවිශේෂී ප්‍රවර්ධන වීඩියෝ දර්ශන කිහිපයක් ද අන්තර්ජාලයට අනවසයෙන් නිකුත් වී තිබෙනවා.

මෙලෙස නිකුත් වූ වීඩියෝ දර්ශන අතරින් සිනමාශාලා තුළ චිත්‍රපටය ප්‍රදර්ශනය කිරීමට පෙර පෙන්වීමට සූදානම් කර තිබූ විශේෂ ආරාධනා වීඩියෝ පටයක් අතුළත් වන අතර, එහිදී ශ්‍රී ලාංකේය රසිකයන්ව ද විශේෂයෙන්ම මතක් කර තිබීම සුවිශේෂී කරුණක් වනවා. අපේ රටේ සිටින රසිකයන් වෙනුවෙන් චිත්‍රපටය නැරඹීම සඳහා මෙම ආදරණීය ආරාධනාව සිදු කරනු ලබන්නේ ජනප්‍රිය හොලිවුඩ් නිළි Sadie Sink විසිනි. මීට පෙර Spider-Man: Homecoming, Spider-Man: Far From Home වැනි චිත්‍රපට තුලදී Tom Holland විසින් ශ්‍රී ලංකා රසිකයන්ට ආරාධාන කල වීඩියෝ පට ප්‍රදර්ශනය කර තිබෙනවා.

Marvel සිනමා විශ්වයේ තවත් පෙරළියක් සිදු කිරීමට නියමිත මෙම දැවැන්ත චිත්‍රපටය එළඹෙන ජූලි මස 31 වැනිදා සිට ලොව පුරා සිනමාශාලාවල ප්‍රදර්ශනය කිරීම ආරම්භ කිරීමට සියලු කටයුතු සූදානම් කර තිබෙනවා