ඇමරිකාවේ අළුතෙන් තේරී පත් වූ කොන්ග්‍රස් සභිකයෙකු ඩොලර් මිලියන 5ක් වටිනා Superman චිත්‍රකතා පොතක් (Comic Book) ඉදිරියේ දිවුරුම් දීමට තීරණය කරයි.
එක්සත් ජනපද තේරී පත් වූ කොන්ග්‍රස් සභික Robert Garcia ඔහුගේ දෙමව්පියන්ගේ ඡායාරූපයක්, ඔහුගේ පුරවැසි සහතිකය සහ කොන්ග්‍රස් පුස්තකාලයේ ඇති ඩොලර් මිලියන 5ක් පමණ වටිනා original Superman #1 comic book එකක් ඉදිරියේ එක්සත් ජනපද ව්‍යවස්ථාව මත කොන්ග්‍රසයට දිවුරුම් දීමට තීරණය කර ඇත.
පසු ගිය අඟහරුවාදා ට්විටර් පණිවුඩයක් නිකුත් කරමින් ඔහු කියා සිටියේ ඔහු දිවුරුම් දීමට භාවිතා කරන භාණ්ඩ තුන ඔහුගේ ජීවිතයට ඉතාමත් සමීප බවයි එයින් එකක් 1939 නිකුත් වූ Superman #1 නම් මුල් චිත්‍ර කතා පොත වන අතර
අනෙක් අයිතම් දෙක වන්නේ Covid-19 හේතුවෙන් මියගිය ඔහුගේ දෙමාපියන්ගේ ඡායාරූපයක් සහ ඔහුගේ පුරවැසි සහතිකයයි.
ඔහුගේ Twitter bio එකෙහි තමන් Comic Nerd කෙනෙක් බවටද සඳහන් කර ඇත. ඔහු කොමික් බුක් ගැන tweet බොහොමයක්ද පල කර ඇත.
ඔහු නොවැම්බර් මාසයේදී පළකල ට්වීටර් පණිවිඩය සඳහන් කර ඇත්තේ
“චිත්‍ර කතා පිළිබඳ අවබෝධයක් ඇති ඕනෑම අයෙක් කොමික් බුක්ස් ඇමරිකානු ප්‍රබන්ධ කථාවල අත්‍යවශ්‍ය අංගයක් බව දනී, ඒ වගේම ඒවායින් උගත් පාඩම් ඉතාමත් වටිනවා. මම බොහෝ කොමික් බුක් කියවා ඇත්තෙමි, නමුත් සුපර්මෑන් යනු සෑම විටම කැපී පෙනෙන හා මට වඩාත්ම සමීප චරිතයයි.” යනුවෙනි
සංක්‍රමණිකයෙකු සහ LGBTQ ප්‍රජාවේ සාමාජිකයෙකු ලෙස ඔහු හැදී වැඩීමට සුවිශේෂී වූ පාඩම් උපුටා දක්වයි.
2021 දී, DC Comics විසින් නව සුපර්මෑන් ද්වීලිංගික බව ප්‍රකාශ කිරීමෙන් පසුව, ගාර්ෂියා මහතා ට්වීට් කළේ: “මම හැදී වැඩුණේ සුපර්මෑන් කොමික් කියවමින්, මම කුඩා කාලයේදීම සුපර්මෑන් රසිකයෙක් වූයේ මට සහ ඔහුට සමානකම් තිබූ නිසාය. සංක්‍රමණිකයෙක්, යුක්තිය පිළිබඳ හැඟීමක් ඇත්‍තෙක් සහ රහස් අනන්‍යතාවයක් ඇති පුද්ගලයෙක්.” යනුවෙනි
කොන්ග්‍රස් මන්ත්‍රීවරයාට වයස අවුරුදු පහේදී ඔහුගේ මව විසින් පේරු සිට එක්සත් ජනපදයට සංක්‍රමණය වන අතර, ඔහු විවෘතව සමලිංගික හා විවාහකයෙකි.
ඔහු මාධ්‍ය වෙත ප්‍රකාශ කර සිටියේ ඔහුට ඉංග්‍රීසි ලිවීමට සහ කතා කිරීම සඳහා comic book බොහෝමත් උදව් වූ බවයි. කොන්ග්‍රසයට තේරී පත්වීමට පෙර ගාර්ෂියා කැලිෆෝනියාවේ ලෝන්ග් බීච් හි නගරාධිපති ලෙස වසර අටක් සේවය කළේය.
ධූරයේ දිවුරුම් දීමේදී සුපර්මෑන් කොමික් භාවිතා කිරීම තරමක් අසාමාන්‍ය විය හැකි වුවද, තාක්‍ෂණිකව එය නීති විරෝධී ක්‍රියාවක් නොවේ, එක්සත් ජනපද ආණ්ඩුක්‍රම ව්‍යවස්ථාවේ VI වගන්තියට අනුව. “එක්සත් ජනපදය යටතේ ඇති ඕනෑම කාර්යාලයකට හෝ පොදු භාරයකට සුදුසුකමක් ලෙස කිසිඳු ආගමික පරීක්ෂණයක් අවශ්‍ය නොවේ” යනුවෙන් එම වගන්තිය ප්‍රකාශ කරයි.
දිවුරුම් දෙන ආකාරය සලකා බලන විට රාජ්‍ය සේවකයින් බොහෝ විට සංකේතාත්මක වේ. ජනාධිපති Joe Biden තම පවුල තුළ පරම්පරා ගණනාවක් තිස්සේ තිබූ බයිබලයක් භාවිතා කළ අතර උප ජනාධිපති කමලා Kamala Harris පොත් දෙකක් මත දිවුරුම් දුන්නාය, ඒ ඇය මව මෙන් සැලකූ කාන්තාවකට අයත් බයිබලයක් සහ පළමු කළු ශ්‍රේෂ්ඨාධිකරණ විනිසුරු වන Thurgood Marshall අයත් වූ බයිබලයක් මතයි.
ඉතිහාසය පුරාවට අලුතින් තේරී පත් වූ කොංග්‍රසයේ සාමාජිකයින් හෙබ්‍රෙව් ලියවිල්ල, යුදෙව් ආගමික ග්‍රන්ථ, කුර්ආනයේ පිටපත් සහ භගවත් ගීතා (හින්දු පූජනීය ග්‍රන්ථය) ඇතුළු විවිධ ග්‍රන්ථ භාවිතා කර ඇති බවයි. 2007 දී, කොන්ග්‍රසයට තේරී පත් වූ පළමු මුස්ලිම් ජාතිකයා වූ මිනසෝටා හි ඩිමොක්‍රටික් පාක්ෂික කීත් එලිසන් දිවුරුම් දුන්නේ වරක් තෝමස් ජෙෆර්සන් සතු වූ කුරානය භාවිතා කරමිනි.
ජෙෆර්සන්ගේ කුරානය සහ සුපර්මෑන් කොමික් වැනි බොහෝ සිහිවටන මෙම අවස්ථාව සඳහා කොන්ග්‍රස් පුස්තකාලය විසින් ලබාගෙන ඇත. චාරිත්‍රානුකූල දිවුරුම් දීමක් සඳහා පුස්තකාලය විසින් ලබාගත් අනෙකුත් දෙවල් අතර රෝසා පාර්ක්ගේ “පොකට් බයිබලය” සහ ඇමරිකාවේ ප්‍රකාශයට පත් කරන ලද පළමු සම්පූර්ණ හෙබ්‍රෙව් බයිබලය වන Biblia Hebraica ඇතුළත් වේ.
නමුත් Comic Book හෙවත් චිත්‍රකතා පොතක් පාවිච්චි කරන පළමු අවස්තාව මෙය බවට විදෙස් මාධ්‍ය ප්‍රකාශ කරයි.
කෙසේ වෙතත්, රිපබ්ලිකානුවන් කථානායකවරයෙකු තෝරා පත් කර ගැනීමට අපොහොසත් වීමෙන් පසුව ගාර්ෂියා මහතා තවමත් දිවුරුම් දීමට බලා සිටී.
Via: BBC, Buzzfeed, IGN • ශ්‍රී කොම්
